Թաթուլ Մովսիսյանը՝ Հաշվապահների և աուդիտորների
Եվրասիական խմբի նախագահ
Հայաստանի աուդիտորների և փորձագետ հաշվապահների պալատի նախագահ Թաթուլ Մովսիսյանը 2024թ. փետրվարի 20-ին ընտրվել է Հաշվապահների և աուդիտորների Եվրասիական խմբի (ՀԱԵԽ) նախագահ:
ՀԱԵԽ-ի անդամ են հանդիսանում ԱՊՀ երկրների 9 մասնագիտացված կառույցներ։ ՀԱԵԽ-ը ձգտում է դառնալ Հաշվապահների միջազգային դաշնության ցանցային անդամ և միավորել ԱՊՀ երկրների հաշվապահության և աուդիտի պրոֆեսիայի ուժերը՝ ծառացած խնդիրների համատեղ լուծման, միջազգային ստանդարտների մշակման, դրանց նախագծերի քննարկման ու թարգմանության, միջազգային գիտաժողովների ու կոնֆերանսների կազմակերպման համար։
Շնորհավորում ենք Հայաստանի աուդիտորների և փորձագետ հաշվապահների պալատի նախագահ Թաթուլ Մովսիսյանին և մաղթում արգասաբեր գործունեություն Հաշվապահների և աուդիտորների Եվրասիական խմբի նախագահի պաշտոնում։